Eurico, el presbíteru (El Monasticon #1)

[El Monasticon en castellano / ISBN: 9781160087438 / 9781167596094]
[Literatura traducida al asturiano] Alexandre Herculano (1810-1877) ye ún de los nomes principales - si non el más importante, xunto con Almeida Garrett - del romanticismu lliterariu portugúes y ta consideráu como l'introductor de la novela histórica en Portugal. D'ideoloxía lliberal, el so compromisu cola verdá científica llevó a que los sectores mas conservadores, col cleru a la cabeza, condenaren les sos obres sobre la historia de Portugal. Nel casu d'Eurico, el presbíteru, l'acción asitiase al final del reinu visigodu de Toledo, cola conquista musulmana - y les intrigues polítiques alredor d'ella - como telón de fondu. La trama cuenta'l romance frustráu entre Eurico, un mienbru de la baxa nobleza visigoda, y Hermengarda, fía del duque Favila de Cantabria, que s'opón al matrimoniu. Énte esta negativa, Eurico faise ordenar presbíteru y va ser testigu directu de la entrada de les primeres tropes musulmanes na Península. Esto va llevalu a garrar otra vez les armes aunque nun va evitar la derrota del rei Rodrigo na batalla del ríu Guadalete nin el raptu d'Hermengarda, a la que va llograr rescatar y llevar hasta Asturies, onde Pelayo, hermanu d'ella, ta organizando la resistencia cristiana.
====
https://es.m.wikipedia.org/wiki/Alexandre_Herculano

Ficção / Literatura Estrangeira / Romance