Parissyndromet er ein diagnose ein stiller på japanske turistar som får alle draumar og illusjonar knust når dei besøker Paris for første gong. Den japanske ambassaden i Paris har ein eigen hotline for turistar som blir ramma av syndromet. Årleg blir rundt tjue japanarar sendt heim med ei kjensle av å vere bedratt, desillusjonerte og skuffa over draumebyen som ikkje fanst. "I Paris fanst det ingen stjernehimmel, for kvart gatelys som blir tent, forsvinn hundrevis av stjerner for oss som bur her. Parisarane har slutta å sjå oppover for lenge sidan, eg skil meg ut når eg ser opp mot smijernsbalkongar og når eg snur meg etter folk på gata. Eg pressar panna mot det kalde panoramavindauget og ser ut over byen, eg veit ikkje kor lenge eg står sånn, eg klarar ikkje oppfatte tid når eg er åleine."